Жаш баланы шам убактысында уктатпаш керек деп уккам, ушул чынбы?
Ас-салам алейкум! Балам бир жашта, көбүнчө шам киргенде уктап калат. Шамда уктабаш керек деп чоң энелерибиз айтчу эле. Чынында эле шамда уктатпаш керекби?
Мээримдүү, Ырайымдуу Аллахтын аты менен
الجواب حامدا و مصليا
Ва алейкумус-салам! Негизи чоң энелерибиз айткан сөздүн акыйкаты бар. Себеби, «Пайгамбарыбыз (соллаллооху ъалайхи ва саллам) куптан намазынан мурун уктаганды жана куптан намаздан соң сүйлөшүп отурганды жактырчу эмес» – деп риваяттарда айтылат. (Бухари) (باب ما يكره من النوم قبل العشاء. رقم الحديث ٥٦٨)
Эми шам намаздан кийин уктабасын дегени – уктап калып куптан намаз калып кетпесин үчүн айтылган. Бирок, жаш бала уктай берсе эч нерсе болбойт, эч кандай күнөө да эмес. Жаш бала кайсыл учурда уйкусу келсе, уктата бериңиз.
و الله أعلم بالصواب و بالله التوفيق
Жооп берди:
Зарылбеков Бектен
Текшерди:
Исмайилов Жигитали, Татиков Рафаил
