Унутуп калган сажданы качан кылуу керек?
«Эгерде сиз бир сажданы кылып экинчи сажданы унутуп калсаңыз, жана ошол эле учурда намаздын ичинде эстесеңиз, анда эстегенде эле намаздын ичинде унутуп калган бир саждаңызды кылып койосуз.» Ушул жооп боюнча экинчи сажданы унутканымды кыямда (кыраатта) турганда эстеп калсам, ошол эле учурда калтырган сажданы орундатамбы же кийинки рекеттин саждасына кошуп орундатамбы? Алдын ала рахмат
Бисмиллахир Рохмаанир Рохиим
الجواب حامدا ومصليا
Эң жакшысы эстегенде эле сажда кылуу керек, бирок намаздын аягында кылса дагы болот. Мисалы: кыямда сажданын калып кеткенин эстесеңиз, анда кыямда эле сажда кылып коёсуз жана ошол кыямды башынан кыраат кылып кайтарып кою абзел. Ал эми сажда саху намаздын аягында кыласыз.
في الدر: ولو تذكر في ركوعه أو سجوده سجدة فسجدها أعادهما ندبا.
وتحته في الرد: (قوله فسجدها) أفاد أن سجودها عقب التذكر غير واجب لما في البحر عن الفتح له أن يقضي السجدة المتروكة عقب التذكر وله أن يؤخرها إلى آخر الصلاة (رد المحتار ۲/۳٦٩ ط: زكريا).
و الله أعلم
Жооп берди:
Татиков Рафаил
Текшерди:
Исмайилов Жигитали
